Разлика помеѓу приватизација, легализација и откуп
Приватизација на градежно земјиште
Приватизација на градежно земјиште – е постапка во која градежното земјиште во државна сопственост се префрла во сопственост на правни и физички лица. Со постапката за приватизација – дворното место, местото под куќа или зграда од сопственост на државата се приватизира во сопственост на физички или правни лица, претходни корисници на истото.
Предмет на приватизација е само градежно земјиште.
Приватизацијата на градежното земјиште може да се реализира со паричен надомест и без надомест по основ на претходна сопственост и правен основ.
Легализацијата
Легализацијата е постапка со која на бесправно изградените објекти и дивоградби им се утврдува правниот статус. Со постапката за легализација дивоградбата или бесправно изградениот објект се легализира со тоа што му се утврдува правен статус на бесправен изграден објект и сопственикот може да стане легитимен сопственик на истиот.
Предмет на легализација се само објекти.
Разликата помеѓу приватизација и легализација е тоа што со приватизација се приватизира само земјиште (градежно земјиште), а со легализација се легализира куќа или некаков објект. Постапките за Приватизација и легализација – се завршени.
Oткуп на државно градежно земјиште
Oткуп на државно градежно земјиште – е постапка во која може да се купи државно градежно земјиште и која најчесто се поведува заради оформување на градежна парцела (границите на градежната парцела се утврдуваат во детален урбанистички план, акт или друга документација) или поради откупување на земјиште под легализиран објект.
Предмет на откуп е само градежно државно земјиште.
Во Сервисеа ќе Ви помогнеме со сите правни и административни препреки. Нашите услуги се достапни на следниот линк.
Вашиот проблем е наша мисија!

