Skip to content

Пензиски стаж поминат во друга држава


Лице кое работело и било осигурено во странство не е сигурно дали може да го пресмета пензискиот стаж од тој период за да оствари право на пензија во Република Северна Македонија. Не знае како функционираат билатералните договори и какви се условите за користење на стажот поминат во друга држава.

Дали пензискиот стаж од друга држава може да се признаe во Северна Македонија и кои се условите за тоа?

Решение:

Република Северна Македонија има склучено билатерални договори за социјално осигурување со низа држави, преку кои лицата кои биле осигурени во странство можат да го признаат и калкулираат пензискиот стаж од другата земја.

Клучни моменти:
  • При барање пензија во Македонија, лицето кое било вработено и надвор од Северна Македонија, има право да побара утврдување и признавање на пензискиот стаж поминат во таа држава (доколку Северна Македонија има билатерален договор со неа).
  • При барање пензија во странство, лицата кои биле вработени дел од својата кариера во Северна Македонија а дел во држава со која Северна Македонија има билатерален договор, може да се калкулираат периодите на осигурување од државата со која Северна Македонија има билатерален договор, но и од Северна Македонија.
  • Услов за остварување право на пензија е полна возраст: 64 години за мажи и 62 години за жени, како и најмалку 15 години пензиски стаж.
Со кои земји има склучено билатерални договори Северна Македонија?

Меѓу другите, важечки се договорите со:

  • Австрија, Хрватска, Турција, Словенија, Швајцарија, Југославија, Бугарија, Германија, Босна и Херцеговина, Чешка, Холандија, Романија, Полска, Луксембург, Белгија, Канада, Австралија, Црна Гора, Косово, Словачка, Албанија, Унгарија и други.
Дополнително

Додека не се склучат нови договори, Северна Македонија ги применува и конвенциите преземени од поранешна СФРЈ со:

  • Франција, Англија и Северна Ирска, Италија, Норвешка и Шведска.

Заклучок:

Лицата кои имаат пензиски стаж поминат во странство можат да се обратат во Сервисеа за консултација околу условите за остварување право на пензија во Северна Македонија. Нашиот тим ќе ве води низ целиот процес за признавање и утврдување на пензискиот стаж поминат во странство и тука. Од собирање на документација до поднесување на барањата и следење на постапката, ние сме тука да го олесниме целиот процес и да ги обезбедиме вашите права.

Контактирајте нè за детални информации и почеток на постапката.

Извор:
Закон за пензиското и инвалидското осигурување,
Меѓународни билатерални договори за социјално осигурување
Фондот на пензиско и инвалидско осигурување на Северна Македонија (ПИОМ)

Back To Top