Skip to content

Даночни ослободувања – данок на промет на недвижности

Данок на промет на недвижности не се плаќа:
  • на прометот на недвижности во постапката на експропријација;
  • кога странско дипломатско, конзуларно претставништво го пренесува правото на сопственост на недвижности, под услов на реципроцитет;
  • кога правото на сопственост се пренесува заради намирување на обврските по основа на јавни приходи во постапката за присилна наплата;
  • на прометот на недвижности меѓу државни органи, меѓу државни органи и општините и меѓу општините;
  • на прометот на недвижности во постапката на конфискација;
  • на прометот на станови во општествена сопственост, доколку во купопродажниот договор не е уредено чија е обврската за плаќање на данокот;
  • кога правото на сопственост на недвижност се пренесува на државни органи заради наплата на побарувања во стечајни и извршни постапки;
  • кога правото на сопственост на недвижност се пренесува на давателот на доживотното издржување кој во однос на примателот на издржувањето се наоѓа во прв наследен ред и тоа само за делот на недвижноста кој би го наследил според Законот за наследување и без давање на издршката;
  • на првиот промет на станбени згради и станови кој ќе се изврши во период до пет години по изградбата, а на кој е пресметан данок на додадена вредност;
  • при вложување на недвижности во капиталот на трговските друштва;
  • на тргувањето со хартии од вредност, во смисла на Законот за хартии од вредност и
  • кога правото на сопственост на недвижност се пренесува на банките како доверители, заради наплата на парично побарување, доколку во рок од три години го продадат стекнатиот имот.

Извор:
Министерство за финансии

Во Сервисеа ќе Ви помогнеме со сите правни и административни препреки. Нашите услуги се достапни на следниот линк.

Вашиот проблем е наша мисија!

Back To Top