Право на туѓа нега
Право на туѓа нега, односно на паричен надоместок за помош и нега од друго лице има:
- лице над 26 години со умерени, тешки и длабоки пречки во менталниот развој;
- лице со потешка и најтешка телесна попреченост;
- лице со потполно слепило;
- лице со трајни промени во здравствената состојба на кое му е неопходна помош и нега од друго лице, заради задоволување на основните потреби.
Висината на туѓата нега е различна и зависи од обемот на потреба на помош и нега, односно:
- за помош и нега од друго лице во поголем обем изнесува 4711 денари, усогласена со порастот на трошоците на живот за претходната година, објавени од Државниот завод за статистика, во јануари за тековната година;
- надоместокот за помош и нега од друго лице во помал обем изнесува 4168 денари, усогласена со порастот на трошоците на живот за претходната година, објавени од Државниот завод за статистика, во јануари за тековната година.
Потребата за помош и нега од друго лице со наод, оцена и мислење, ја утврдуваат стручни комисии во јавните здравствени установи.
Ова право на помош мирува додека лицето е згрижено подолго од 30 дена во здравствена или друга установа, а за тоа има решение од центарот.
Извор:
Министерство за труд и социјална политика
Во Сервисеа ќе Ви помогнеме со сите правни и административни препреки. Нашите услуги се достапни на следниот линк.
Вашиот проблем е наша мисија!

