Парична помош
Лице кое е неспособно за работа, материјално необезбедено односно доколку не може да обезбеди средства за својата егзистенција има право на постојана парична помош.
Неспособно за работа се смета лицето ако е:
- со умерени, тешки и длабоки пречки во менталниот развој или со комбинирани и други пречки во развојот, кое заради степенот на попреченост не може да се стекне со образование, како и лице со телесна попреченост, поради која е неспособно за работа;
- душевно заболено и со трајни промени во здравствената состојба поради која е неспособно за работа;
- самохрана жена за време на бременоста еден месец пред породувањето и самохран родител согласно со Законот за семејството до три години возраст на детето;
- дете без родители и без родителска грижа кое не се штити врз основа на правото на сместување, кое нема приходи по основа на имот и имотни права и не остварува средства по основа на други прописи (најмногу до 18 год.)
- лице постаро од 65 години.
Право на постојана парична помош има и друг член од семејството како соуживател на помошта, доколку е неспособен за работа и дете до 18 или 26 години ако се школува.
Висината на постојана парична помош изнесува:
- за лице носител на правото – 4.306 денари;
- за лице носител на правото и еден соуживател – 6.028 денари;
- за лице носител на правото и два или повеќе соуживатели – 8.312 денари.*
* висината на правото се усогласува со порастот на трошоците на живот за претходната година.
Извор:
Закон за социјална заштита,
Министерство за труд и социјална политика
За водење на постапката за парична помош и потребната документација за истата обратете се во Сервисеа.
Во Сервисеа ќе Ви помогнеме со сите правни и административни препреки. Нашите услуги се достапни на следниот линк.
Вашиот проблем е наша мисија!

