Skip to content

Патент

Имате иновативна технолошка идеја или пронајдок, но не знаете дали истиот може да се заштити со патент? Многу пронаоѓачи не се сигурни дали нивната идеја исполнува услови за патент, кои се исклучоците, како се поднесува пријава и кои права ги добиваат со патентот.

Според Законот за индустриска сопственост, со патент се штити нов пронајдок во сите области на технологијата, доколку:

  • е нов (не е веќе познат или применет),
  • содржи инвентивен придонес, и
  • може да се применува во индустријата.

Патент може да се однесува и на:

  • производ што содржи биолошки материјал,
  • постапка за добивање или употреба на таков материјал.
Што не може да биде патент:
  • научна теорија, математички метод, план за деловна активност, компјутерска програма;
  • естетска творба, информации, човечко тело и негови елементи;
  • нови животински и растителни видови (со исклучоци);
  • медицински или хируршки постапки врз човек или животно;
  • пронајдоци што се спротивни на јавниот поредок или моралот (клонирање, модифицирање на човечки генетски идентитет, итн.).
Постапка за пријава:

Правото на патент може да го побара:

  • пронајдувачот или неговиот правен следбеник,
  • сите ко-пронајдувачи заедно (ако е заеднички пронајдок).

Постапката опфаќа:

  1. Подготовка и поднесување на пријава до Државниот завод за индустриска сопственост,
  2. Преглед на условите: новост, инвентивност и индустриска применливост,
  3. Водење постапка до признавање на правото на патент.
Како помага Сервисеа?
  • Правна проценка дали пронајдокот е патентибилен
  • Подготовка на документација
  • Поднесување пријава и застапување во постапката
  • Заштита на вашите права во идни спорови

Во Сервисеа помагаме со постапката за пријава на патент – од прва консултација, ангажман на потребни партнери, се до добивање на решението.

Контактирајте нè и осигурете ја вашата интелектуална сопственост.
Вашиот пронајдок заслужува правна заштита!

Извор:
Закон за индустриска сопственост

Back To Top