Skip to content

Занаетчија

Занаетчија претствавува физичко лице запишано во Регистарот на занаетчии кое врши занаетчиска дејност и одговара за своите обврски со целиот свој имот. Согласно Законот за трговски друштва во одредени услови занаетчиска дејност може да вршат и трговец поединец и трговско друштво.

Под занаетчиска дејност се мисли на занаетчиско производство, занаетчиски услуги, уметничко занаетчиство и домашно ракотворење.

Занаетчијата и вршителот на занаетчиската дејност мора да имаат простории за работа, во зависност од видот и начинот на вршење на дејноста, а можат и одделни работи од таа дејност да вршат надвор од просториите.

Занаетчијата и вршителот на занаетчиската дејност согласно закон можат да вршат една или повеќе сродни занаетчиски дејности и промет на своите производи.

Занаетчијата може да врши занаетчиска дејност, ако:
  • има соодветно стручно образование или соодветна стручна оспособеност за вршење на одредени занаетчиски дејности и
  • не е во работен однос.

Во Регистарот на занаетчии при Комората на занаетчии се запишува вршењето на занаетчиска дејност.

Занаетчиска дозвола може да стекне занаетчијата доколку исполнува еден од следните услови:
  • средно стручно образование од соодветна насока (тригодишно и четиригодишно образование);
  • соодветна квалификација; стручно оспособување (едногодишно и двегодишно образование);
  • мајсторски испит;
  • соодветно работно искуство со минимум основно образование ако пет години вршело дејност од листата на занаетчиски дејности како сопственик или вработен кај вршителот на занаетчиската дејност во соодветна дејност;
  • соодветно работно искуство со минимум средно образование ако три години вршело дејност од листата на занаетчиски дејности како сопственик или вработен кај вршителот на занаетчиската дејност во соодветна дејност и соодветно работно искуство со минимум вишо или високо образование ако една година вршело дејност од листата на занаетчиски дејности како сопственик или вработен кај вршителот на занаетчиската дејност во соодветна дејност.

За да се добие занаетчиската дозвола се полага испит во Занаетчиска комора.

Со занаетчиската дозвола, вршителот на занаетчиска дејнсот може да врши само занаетчиски дејности кои се наведени во дозволата и не смее да ја пренесува на друг вршител на занаетчиска дејност.

Извор:
Закон за вршење на занаетчиска дејност
Закон за занаетчиство

За постапка за упис на занаетчиска дејност и потребната документација обратете се во Сервисеа.

Во Сервисеа ќе Ви помогнеме со сите правни и административни препреки. Нашите услуги се достапни на следниот линк.

Вашиот проблем е наша мисија!

Back To Top