Издавање пасош на странец
Пасош на странец му издава Министерството за внатрешни работи во определени случаи и тоа:
- се издава на странец кој законски престојува во Република Северна Македонија, а нема и не може да обезбеди важечка странска патна исправа од државата чиј државјанин е, за излегување и влегување во Република Северна Македонија и
- се издава на странец кој треба да ја напушти територијата на државава, а нема и не може да обезбеди важечка странска патна исправа од државата чиј државјанин е за излегување од Република Северна Македонија.
Пасош за странец не може да се издаде на лице кое има статус на бегалец (согласно со Конвенцијата за статусот на бегалците од 1951 година и Протоколот за статусот на бегалците од 1967 година).
Документи кои се потребни за издавање пасош на странец се:
- Барање за пасош за странец;
- Дозвола за привремен престој;
- Дозвола за постојан престој;
- Согласност од родител, доколку барателот е малолетен;
- Изјава заверена кај надлежен нотар со која странецот потврдува дека нема и не може да обезбеди важечка странска патна исправа од државата чиј државјанин е.
Извор: Закон за странци,
Правилник за патни и други исправи на странец
www.uslugi.gov.mk
Во Сервисеа ќе Ви помогнеме со сите правни и административни препреки. Нашите услуги се достапни на следниот линк.
Вашиот проблем е наша мисија!

