Запишување на недвижности
Запишување недвижности кои останале со незапишани права во катастарот
Запишувањето се врши за недвижности што останале со незапишани права при систематското запишување, односно биле неизложени. За начинот на запишување и подетални информации околу постапката обратете се во Сервисеа.
За да се запишат недвижностите во новиот катастар, се приложува соодветен правен основ.
Доколку на земјиштето има изградено објект се доставува и геодетски елаборат.
Запишувањето во катастарот на недвижности согласно Законот за катастар на недвижности се врши врз основа на:
- закон;
- правосилни судски одлуки;
- одлуки за привремена мерка, претходна мерка и други акти за обезбедување на побарувања согласно со закон;
- одлука на Владата;
- конечни, правосилни акти:
- на органите на државната власт (правосилно решение за приватизација на градежно земјиште во државна сопственост, решение за експропријација и др.),
- на органите на единиците на локалната самоуправа и на градот Скопје (решение за утврдување правен статус на бесправно изграден објект, одобрение за градење со комплет градежно-техничка документација и др.),
- на правни и други лица на кои со закон им е доверено да вршат јавни овластувања (нотар, извршител, органи на единиците на локална самоуправа-Општина и на градот Скопје),
- правни дела (договор за купопродажба/дар/физичка делба/размена, доживотна издршка, наследно решение и др. заверени од надлежниот орган на Управа за приходи со доказ за регулиран данок на промет на недвижности),
- изјави заверени кај нотар врз основа на кои може да се изврши запишување на правата на недвижностите, или за прифаќање на ново утврдената гранична линија и прифаќање на фактичка состојба (дадени кај овластен геодет).
Извор: Закон за катастар на недвижности;
www.katastar.gov.mk
За водење и спроведување на целокупната постапка за запишување на недвижност, обратете се во Сервисеа.
Во Сервисеа ќе Ви помогнеме со сите правни и административни препреки. Нашите услуги се достапни на следниот линк.
Вашиот проблем е наша мисија!

