Skip to content

Одобрението за градба е задолжителен управен акт издаден од надлежната општина (односно општината во која се гради), со кој се дозволува започнување на градба. Истото претставува правна основа за изведување на градежни работи и е неопходно за секоја нова градба, доградба, надградба, реконструкција или адаптација на објект.

Без правосилно одобрение за градба, секое градење се смета за незаконско и може да резултира со казни, забрана за користење на објектот или неможност за негов упис и продажба. Сервисеа нуди целосна услуга за спроведување на постапката за добивање одобрение за градба, со што Ве ослободува од сите административни обврски.

Во постапката за добивање одобрение за градба Сервисеа соработува со лиценциран архитект и овластен геометар, комплетирајќи ги сите чекори и потребната документација, меѓу кои:

  • усогласување на градбата со урбанистичкиот план,
  • изработка на идеен и основен проект,
  • геодетски елаборати,
  • докази за сопственост и имотно-правна состојба,
  • поднесување барање, решавање на спорни прашања и комуникација со надлежните институции.

Нашата услуга вклучува:

  • анализа на можностите за градба согласно важечките урбанистички планови
  • координација со лиценциран архитект за изработка на проектна документација
  • ангажман на овластен геометар и обезбедување геодетски елаборати
  • комплетирање и проверка на целокупната потребна документација
  • поднесување и водење на постапката пред надлежната Општина
  • следење на предметот до добивање правосилно одобрение за градба

По завршување на градежните работи, Сервисеа обезбедува и дополнителна правна поддршка со цел целосно заокружување на постапката, и тоа:

  • упис на објектот, доградбата или надградбата во соодветните регистри
  • регулирање на сопственичките права
  • обезбедување правна сигурност за користење, продажба или издавање на објектот.
Back To Top