
Консултант / Управител
Мартина Цветкоска е основач, управител и консултант во Сервисеа ДОО Охрид. Таа е одговорна за правните и административни работи во фирмата. Како правен консултант примарно се занимава со решавање на наследно-правни, имотни односи и постапки пред државните и јавни институции.
Мартина е магистер по право со положен правосуден испит. Своето образование го заврши на Правниот Факултет ,,Јустинијан Први” Скопје каде се стекна со титулата магистер по право, а своите додипломски студии ги заврши на Правниот факултет при Универзитетот ,,Св.Климент Охридски” Битола. Нејзиното работно искуство започнува со практиканство во основните судови и при адвокатски канцеларии, за потоа да продолжи како адвокатски стручен соработник во адвокатска канцеларија. Во мај 2020 година ја основа Сервисеа ДОО Охрид.
